منتدى شعري يهتم بالشعر والشعراء سواء نبطي أو فصيح


    عقاب بن سعدون العواجي و أبا الوقي

    شاطر

    المدير العام
    المدير
    المدير

    عدد المساهمات : 59
    السٌّمعَة : 0
    تاريخ التسجيل : 26/08/2009

    عقاب بن سعدون العواجي و أبا الوقي

    مُساهمة  المدير العام في الأربعاء سبتمبر 02, 2009 1:34 pm

    عقاب العواجي هو فارس قبيلة عنزة في زمنه اللي كان يرد عنهم غارات القبايل اللي حولهم وقايدهم في المعارك الضارية وكان أكبر نصيب أذى من عقاب كان لقبيلة شمر ويوم ذبح شيوخهم وفرسانهم حطوا فنجال عقاب عشان شاربه يتكفل بذبح عقاب ومحد منهم شربه لأنه محد منهم يقدر على عقاب لكن قام واحد من الشباب وشرب الفنجال ويدعى/أباالوقي وكان محد من أهله يعرف بالفروسية و بعد مدة قصيرة إلتقوا عنزة وشمر واتجه أباالوقي لعقاب وإستماتوا دون بعص حتى إشتبكوا باليدين وحمى وطيس المعركة وثار الغبار ومسك عقاب سيف كان تحته وركب جواد كان حوله ونفس اللي سواه عقاب سوى أباالوقي ويوم إنفضت المعركة سيف عقاب وخيله أخذها أباالوقي وعقاب أخذ خيل وسيف أباالوقي ويوم درا سعدون زعل ومانام الليل وجوه عيال عمه وقالوا له: حنا سيوف عقاب وخيولنا خيل له رد عليهم: أنا مهب متكدر على الخيل أنا خايف من بيت في راسي لا يقوله شاعر شمر:مبيريك التبيناوي قالو: وش هو البيت؟ فال:
    السيف من يمنى عقاب خذيناه...........والخيل بدل كدشها بالأصايل
    وفعلا قال البيت وهو البيت الثاني في القصيدة يقول مبيريك:
    أباالوقي يالبيض خضبن يمناه........وانا أشهد أنه من عيال الحمايل
    السيف من يمنى عقاب خذيناه...........والخيل بدل كدشها بالأصايل
    هذي سلوم بيننا يالقراباه...............يا زين بيع المنسمح يا ابن وايل
    وعقاب ما سبه ولا سب حلاياه......ان جو على قب المهار الأصايل
    يركض على الصابور ما به مراواه......شي تعرفه كل سمو القبايل
    لا شك عندي له فهود مغذاه.............عيال شمر فوق قب سلايل
    وعلى المحبة نلتقي

      الوقت/التاريخ الآن هو الخميس سبتمبر 21, 2017 9:23 am