منتدى شعري يهتم بالشعر والشعراء سواء نبطي أو فصيح


    قصيدة فكاهية

    شاطر

    المدير العام
    المدير
    المدير

    عدد المساهمات : 59
    السٌّمعَة : 0
    تاريخ التسجيل : 26/08/2009

    قصيدة فكاهية

    مُساهمة  المدير العام في الجمعة سبتمبر 04, 2009 11:23 am

    تقابلت أنا والحظ ليلـه قمرهـا غـاب
    عرفته بقبـح المنظـر ودثـرة ثيابـه
    وصدّيت عنه ومنه أنا ظامري مرتـاب
    أبي فكّةٍ منّه عسـى خيـر وش جابـه
    أنا كل ماصكّيت بابٍ فتـح لـي بـاب
    ومن ذي سواته ياعرب ويش يبغى به
    ويوم اعترض لي قالي ماعنك مجنـاب
    أنا حظّك اللي بالقشر دوم يدعـى بـه
    طرى لي معه فالمشكله نبحث الأسبـاب
    بسلم وسلام وكـل جابـه لهـا جابـه
    اذا كان فيه أمراض نحضر له الأطباب
    واذا غير ذلك كل علـم ولـه أسبابـه
    لكنّه نوى لي بالقشر قال سـم الـداب
    تبي تشربه وألاّ اترك الـداب وأنيابـه
    يبي يصفي الصافي ياصادق ويا كـذّاب
    وأنا جيت متحدّي لكن وش تحدّى بـه
    تحسب القضيّه كاالوكالـه بـلا بـوّاب
    ولامعك فزعه لومعـك ربـع وذيابـه
    وقام التحدّي والتحدّي علـى الأشنـاب
    لياما انهزم واحد ترى تنتـف أشنابـه
    تعزويت ثم ردّيـت يمنـاي للمشعـاب
    أبي ظربته من وقت ثـم زان مظرابـه
    ظربته بقوّه ظربـةٍ تفقـد الأعصـاب
    على غاربه من صاملٍ فاقـد أعصابـه
    تساوى على القاعه وأنا خاطري ماطاب
    لحيث الفعل ماهو على من تهقوى بـه
    ولو حظّي المقرود ينسب له الأرهـاب
    يمرّونه العالم مااحد يحسـب احسابـه

      الوقت/التاريخ الآن هو الأحد نوفمبر 19, 2017 11:42 pm